پی پی پی نے امیدواروں سے استعفے لے لیے- Its called PP Style

بی بی سی اردو ڈاٹ کام، کراچی

پاکستان کی سابق حکمران جماعت پاکستان پیپلز پارٹی نے انتخابات سے پہلے ہی اپنے نامزد امیدواروں سے استعفے لے لیے ہیں۔

پیپلز پارٹی کی طرف سے سندھ میں امیدواروں کو ٹکٹ دینے کے ساتھ ایک ڈرافٹ بھی دیا گیا ہے جس میں امیدواروں نے تحریری طور پر سپیکر سے مخاطب ہو کر کہا ہے کہ وہ اپنی نشست سے مستعفی ہو رہے ہیں اور اس استعفے کو قبول کرنے کے ساتھ نوٹیفیکیشن جاری کیا جائے۔

اس ڈرافٹ کی کاپی بی بی سی کے پاس بھی موجود ہے۔

ایک دوسرے ڈرافٹ میں پاکستان پیپلز پارٹی پارلیمینٹرین کے صدر مخدوم امین فہیم کو یہ اختیار دیا گیا ہے کہ وہ جس وقت مناسب سمجھیں سپیکر کو رکن اسمبلی کا استعفیٰ پیش کرسکتے ہیں۔

ہر امیدوار سے دس رپے کے سٹیمپ پیپر پر ایک اور حلف نامہ لیا گیا ہے جس میں امیدوار کا کہنا ہے کہ اگر وہ قومی یا صوبائی اسمبلی کا ممبر منتخب ہوا تو پارٹی قیادت پر ذاتی فائدے یا مفاد کے لیے کوئی دباؤ نہیں ڈالے گا اور تمام فرائض و ذمہ داریاں پارٹی منشور، قیادت کے احکامات کی پیروی اور ہدایت کے تحت ادا کی جائیں گی۔

اس حلفے نامے میں امیدوار نے یہ عہد کیا ہے کہ وہ خود کو اور اپنے ووٹ کو پارٹی کی ہدایت اور احکامات کے تحت وقف کرے گا۔

پیپلز پارٹی کی قیادت کا کہنا ہے کہ ہارس ٹریڈنگ سے بچنے کے لیے یہ اقدام اٹھایا گیا ہے کیونکہ ماضی میں کئی امیدوار اپنی وفاداریاں تبدیل کرچکے ہیں۔

واضح رہے کہ اٹھارہویں آئینی ترمیم میں بھی وفاداری تبدیل کرنے والے رکن اسمبلی کو نااہل قرار دینے کا قانون منظور ہوچکا ہے۔

دوسری جانب پاکستان پیپلز پارٹی نے قومی اسمبلی کی نشست کے امیدوار سے تین لاکھ روپے اور صوبائی نشست کے امیدوار سے دو لاکھ رپے ٹکٹ فیس لی گئی ہے۔

یہ فیس ڈیمانڈ ڈرافٹ کی صورت میں پاکستان پیپلز پارٹی کے الیکشن سیل میں جمع کرائی گئی ہے۔

About Abdul Rehman Sandhu

A change is Must for survival of Pakistan. Let's put hands together to bring Change.
This entry was posted in Updates. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s